“Mançester Siti” və “Arsenal” “Everton”un hücumçusunu istəyir

“Mançester Siti” və “Arsenal” “Everton”un hücumçusu İliman Ndiayenin xidmətində maraqlıdır.

90deqiqe.Az-ın məlumatına görə, “irislər” 26 yaşlı futbolçunun transferi üçün 80 milyon funt-sterlinq (93,6 milyon avro) tələb edir. Bu barədə “talkSPORT” məlumat yayıb.

Mənbənin məlumatına görə, Ndiayenin “Everton”dakı gələcəyi qeyri-müəyyən olaraq qalır. Buna səbəb futbolçunun bu yay klubun yeni müqavilə təklifini qəbul etməməsidir.

Seneqallı hücumçu ötən mövsüm bütün turnirlərdə 34 matçda iştirak edib. O, bu görüşlərdə 6 qol vurub və 3 məhsuldar ötürmə edib.

Ndiayenin “Everton”la hazırkı müqaviləsi 2029-cu ilin yayına qədər qüvvədədir.

Qeyd edək ki, “Transfermarkt” portalı futbolçunun hazırkı bazar dəyərini 55 milyon avro qiymətləndirir.