“Liverpul” PSJ-nin ulduz futbolçusunu transfer etdi

İngiltərənin “Liverpul” klubu Fransa millisinin və PSJ-nin vingeri Bredli Barkolanı heyətinə qatıb.

 90deqiqe.Az-ın məlumatına görə, 23 yaşlı futbolçu Mersisayd təmsilçisi ilə uzunmüddətli müqaviləyə imza atıb.

Klub transferin maliyyə detallarını açıqlamayıb. Lakin Britaniya mediasının yaydığı məlumata görə, Barkolanın keçidi “Liverpul”a ümumilikdə 120 milyon funt sterlinqə başa gəlib.

Bredli Barkola 2023-cü ildən PSJ-nin formasını geyinirdi. Fransa millisinin də üzvü olan vinger Paris klubunda keçirdiyi dövrdə əsas heyətin aparıcı futbolçularından birinə çevrilib.

Beləliklə, Barkola karyerasını İngiltərə Premyer Liqasında davam etdirəcək.