“Valensiya” “Liverpul”un futbolçusunu icarəyə götürdü

İspaniyanın “Valensiya” klubu İngiltərə “Liverpul”unda çıxış edən yarımmüdafiəçi Harvi Elliottun transferini rəsmiləşdirib.

 90deqiqe.Az klubun rəsmi saytına istinadla xəbər verir ki, 23 yaşlı futbolçu yeni komandasında 2026/27 mövsümünün sonunadək icarə əsasında çıxış edəcək.

Harvi Elliott “Fulhem” akademiyasının yetirməsidir. O, 16 yaşında klubun əsas komandasında debüt edərək İngiltərə Premyer Liqasında meydana çıxan ən gənc futbolçulardan biri olub. 2019-cu ildə “Liverpul”a transfer olunan yarımmüdafiəçi Mersisayd təmsilçisinin heyətində ümumilikdə 149 rəsmi oyuna çıxıb.

Elliott “Liverpul”la iki dəfə İngiltərə çempionu olub və klub səviyyəsində bir sıra titullara sahib çıxıb.

İngiltərənin U-21 millisində də çıxış edən futbolçu iki dəfə Avropa çempionu olub. O, 2025-ci ildə keçirilən Avropa çempionatında turnirin ən yaxşı futbolçusu seçilib.

“Transfermarkt” portalı Harvi Elliottun hazırkı bazar dəyərini 20 milyon avro qiymətləndirir.