“Liverpul” “Çelsi”nin müdafiəçisi üçün son cəhdini etdi

“Liverpul” transfer pəncərəsinin son günündə “Çelsi”nin müdafiəçisi Malo Gusto ilə bağlı son cəhdini edib.

90deqiqe.Az-ın məlumatına görə, Mersisayd klubu fransalı futbolçunu yalnız məcburi satınalma şərti olmadan icarəyə götürmək istəyib. Lakin “Çelsi” Gustonun yalnız birdəfəlik transferinə razı olub.

 “Liverpul”un maliyyə imkanları London klubunun tələb etdiyi şərtlərlə müdafiəçinin daimi transferini həyata keçirməyə imkan verməyib.

Daha əvvəl “Çelsi”nin Malo Gusto ilə yolları ayırmağa hazır olduğu, lakin futbolçunun satışından əhəmiyyətli məbləğ əldə etmək istədiyi bildirilmişdi.

Beləliklə, tərəflər arasında razılıq əldə olunmayıb və 22 yaşlı fransalı müdafiəçi “Çelsi”də qalıb.