“Arsenal” gürcü futbolçu ilə bağlı razılığa gəldi

“Arsenal” gürcü futbolçu Andria Bar­tişvili ilə transfer razılaşmasına gəlib.

90deqiqe.Az-ın məlumatına görə, London klubu 17 yaşlı futbolçunun keçidi ilə bağlı razılığın əldə olunduğunu açıqlayıb. Bar­tişvili 2027-ci ilin iyulunda, 18 yaşı tamam olduqdan sonra “Arsenal”a qoşulacaq.

Futbolçunun hüquqları Gürcüstanın “Kolxeti-1913” klubuna məxsusdur. O, cari mövsümdə icarə əsasında ölkə çempionatının yüksək liqasında çıxış edən “İberia 1999”un formasını geyinir.

Qeyd edək ki, “Transfermarkt” portalı Bar­tişvilinin hazırkı bazar dəyərini 1,5 milyon avro qiymətləndirir.

“Arsenal” İngiltərə Premyer Liqasında üç turdan sonra 2-ci pillədə qərarlaşıb. Mikel Artetanın komandası növbəti matçını sentyabrın 12-də “Sanderlend”ə qarşı keçirəcək.