“Bavariya” Premyer Liqa ulduzunun transferinə namizəddir

“Nottingem Forest”in hücumameyilli yarımmüdafiəçisi Morgan Gibbs-Uayt karyerasını “Bavariya”da davam etdirə bilər.

90deqiqe.Az-ın “talkSPORT"a istinadən məlumatına görə, Münhen klubu 26 yaşlı ingiltərəli futbolçunun transferində əsas namizədlərdən biridir. Gibbs-Uayt qarşıdakı Millətlər Liqası oyunları üçün İngiltərə millisinin heyətinə dəvət alıb.

Futbolçu “Bavariya”ya keçəcəyi təqdirdə həmyerlisi Harri Keynlə eyni komandada çıxış edəcək.

Qeyd edək ki, Gibbs-Uayta “Tottenhem” də ciddi maraq göstərir. London klubu yarımmüdafiəçi üçün təxminən 150 milyon avro ödəməyə hazırdır.

Gibbs-Uayt bu mövsüm İngiltərə çempionatında 5 oyunda meydana çıxıb, 1 qol vurub və 2 məhsuldar ötürmə edib.