“Real Madrid” “Bavariya”nın futbolçusunu radarına aldı

 “Bavariya”nın yarımmüdafiəçisi Lennart Karl karyerasını İspaniya La Liqasında davam etdirə bilər.

90deqiqe.Az-ın “CFBayern Insider”ə  istinadən məlumatına görə, Madrid “Real”ı 18 yaşlı futbolçunu transfer etmək istəyir.

Madrid klubu almaniyalı futbolçunun vəziyyətini yaxından izləyir və onun Münhen təmsilçisi ilə müqaviləsini uzadıb-uzatmayacağını öyrənmək istəyir.

Qeyd edək ki, Karl daha əvvəl Madrid “Real”ını arzusundakı klub adlandırıb.

Futbolçunun “Bavariya” ilə hazırkı müqaviləsi 2029-cu ilin yayına qədər qüvvədədir. Onun bazar dəyəri isə 60 milyon avro qiymətləndirilir.

Lennart Karl ötən mövsüm bütün turnirlərdə 9 qol vurub və 9 məhsuldar ötürmə edib.