Real Mbappe üçün hərəkətə keçdi

Real gələn il PSJ-nin futbolçusu Kilyan Mbappeni heyətinə qatmaq istəyir.

Corner.az-ın "AS" nəşrinə istinadən xəbərinə görə, "kral klubu"nun prezidenti Florentino Perezin 20 yaşlı hücumçu üçün 300 milyon avro xərcləməyə hazır olduğu bildirilib.

Xəbərdə iddia edilir ki, klub rəhbəri Çempionlar Liqasının qrup mərhələsinin 3-cü turunda Paris təmsilçisinin Mbappenin het-trik etdiyi "Brügge" ilə oyundan (5:0) sonra bu qərarı verib. Perez Ronaldodan sonra klubda ən az 10 il çıxış edə biləcək yeganə futbolçunun Mbappe olduğunu bildirib.

Qeyd edək ki, K.Mbappe 2018-ci ildən PSJ-də çıxış edir.