“Çelsi” Fermín Lopes üçün 100 milyon avrodan çox təklif etməyə hazırdır

“Çelsi” “Barselona”nın yarımmüdafiəçisi Fermín Lopesin transferindən əl çəkməyib. 

90deqiqe.Az xəbər verir ki, London klubu yayda reallaşdıra bilmədiyi keçid üçün yeni cəhdə hazırlaşır. Bu barədə İspaniyanın “El Nacional” nəşri məlumat yayıb.

Məlumata görə, “Çelsi” 23 yaşlı futbolçu üçün 100 milyon avrodan çox təklif etməyi planlaşdırır. Bu məbləğ “Barselona” rəhbərliyinə təzyiq göstərə bilər, lakin danışıqların başlayacağına zəmanət vermir.

“Çelsi”nin Lopesə marağı futbolçunun nadir keyfiyyətlərə malik olması ilə əlaqələndirilir. O, hücumameyilli yarımmüdafiəçi kimi oynaya, hücumçuya dəstək verə və rəqibin mərkəz müdafiəçiləri digər təhlükələrə diqqət yetirərkən arxa xətdən hücuma qoşula bilir. Xabi Alonso da onun bu xüsusiyyətini yüksək qiymətləndirir”, – deyə nəşrdə qeyd olunub.

Bununla belə, London klubu təkcə “Barselona”nı yüksək məbləğə razı salmalı deyil, həm də futbolçunun özünü transferə inandırmalıdır. Lopes Kataloniya klubunda özünü rahat hiss edir, “Barselona” rəhbərliyi də onu komandada saxlamaqda maraqlıdır.

Qeyd edək ki, “Transfermarkt” portalı 23 yaşlı Fermín Lopesin bazar dəyərini 110 milyon avro qiymətləndirir. Onun “Barselona” ilə müqaviləsi 2031-ci ilin ortalarınadək qüvvədədir.