“Mançester Yunayted”in baş məşqçi postuna Eddi Hau namizəd göstərilir

“Mançester Yunayted” yaxın gələcəkdə baş məşqçi dəyişikliyinə gedə bilər.

90deqiqe.Az-ın “Telegraph Sport” nəşrinə istinadən məlumatına görə, Maykl Kerrikin yerinə “Nyukasl”dan ayrılan Eddi Haunun gətiriləcəyi iddia olunur.

Hau “Mançester Yunayted”dən gələcək təklifi nəzərdən keçirməyə hazırdır. Bununla belə, onu məşqçilik fəaliyyətinə bu qədər qısa müddətdə qayıtmağa razı salmaq lazım gələ bilər.

Mütəxəssis yayda “Nyukasl”dan ayrılıb. Həmin vaxt onun klubla müqaviləsinin başa çatmasına hələ bir neçə il qalırdı.

Mənbənin məlumatına görə, “Nyukasl” yaxın aylarda Haunun İngiltərə Premyer Liqasının başqa klubunda işə başlaması ehtimalına qarşı müqavilədə xüsusi qoruyucu mexanizmlər nəzərdə tutub.

Bildirilir ki, “Mançester Yunayted” Haunu komandaya gətirmək üçün “Nyukasl”a 6 milyon funt-sterlinq (7,16 milyon avro) məbləğində kompensasiya ödəməli ola bilər.