“Fənərbağça” Tottinin klubda vəzifəyə gətiriləcəyi xəbərini təkzib etdi

“Fənərbağça” Françesko Tottinin klub rəhbərliyində vəzifə tutacağı ilə bağlı Türkiyə mətbuatında yayılan xəbərlərə münasibət bildirib.

90deqiqe.Az-ın məlumatına görə, İstanbul təmsilçisi rəsmi açıqlama yayaraq məlumatın həqiqəti əks etdirmədiyini bəyan edib.

“Françesko Tottinin klubumuzun idman strukturunda vəzifə tutacağı ilə bağlı yayılan məlumatların heç bir əsası yoxdur”, – deyə açıqlamada bildirilib.

“Fənərbağça” jurnalistləri məlumatları dəqiqləşdirməyə və məsuliyyətli davranmağa çağırıb.

Qeyd edək ki, Türkiyə çempionatında 11 turdan sonra “Fənərbağça” 6-cı pillədə qərarlaşıb.