“Tottenhem” “Frayburq”un hücumçusunu transfer etmək istəyir

İngiltərənin “Tottenhem” klubu Almaniyanın “Frayburq” komandasında çıxış edən hücumçu İqor Matanoviçin transferi ilə maraqlanır.

90deqiqe.Az-ın məlumatına görə, xorvatiyalı futbolçu London təmsilçisinin rəhbərliyinin bəyəndiyi oyunçular sırasındadır.

“Tottenhem” qış transfer pəncərəsində qısamüddətli variantı, o cümlədən icarə əsasında keçidi nəzərdən keçirə bilər. Uyğun namizəd tapılmasa, klub bu məsələyə yayda qayıda bilər.

23 yaşlı xorvatiyalı hücumçu ötən mövsüm bütün turnirlərdə 15 qol vurub. Cari mövsümdə isə onun hesabında artıq 8 qol var. Matanoviç Bundesliqada keçirdiyi 9 matçda 4 dəfə fərqlənib və bir məhsuldar ötürmə verib.

196 santimetr boya malik futbolçu fiziki göstəriciləri sayəsində hava topları uğrunda mübarizədə də effektiv çıxış edir.

“Tottenhem”in yeni hücumçu axtarışının əsas səbəbi komandanın hücum xəttindəki problemlərdir. Roberto De Zerbinin rəhbərlik etdiyi kollektiv İngiltərə Premyer Liqasının ilk 10 turunda cəmi 10 qol vurub.