Vüqar Həşimovun adına klub təsis edilib

Vüqar Həşimov Şahmat Fondu mərhum şahmatçının adını daşıyan klub təsis edib.

Azərbaycan Şahmat Federasiyasından  verilən məlumata görə, "Vüqar Həşimov" klubu ilk dəfə Monteneqroda klublar arasında Avropa Kubokunda mübarizə aparacaq.  

Sərxan Həşimovun rəhbəri olduğu komandada üçqat Avropa çempionu Rauf Məmmədov, beynəlxalq qrossmeysterlər Vüqar Əsədli, Ülvü Sadıqov, beynəlxalq usta Anar Allahverdiyev, 14 yaşlılar arasında dünya çempionu Aydın Süleymanlı, beynəlxalq usta Əhməd Əhmədzadə və ukraynalı qrossmeyster Nataliya Buksa iştirak edəcək. 

Qeyd edək ki, Anar Allahverdiyev klubda oynayan məşqçi olacaq. Noyabrın 9 - 17-də keçiriləcək yarış 7 turdan ibarətdir.