Neftçi'də qvineyalı hücumçu

“Neftçi” klubu baxışa daha bir futbolçu dəvət edib. 

Corner.az klubun rəsmi saytına istinadən xəbər verir ki, bu,21 yaşlı hücumçu Nabi Silladır.

“Soar Akademiyası”nın (2008-2014) yetirməsi olan futbolçu vətənində “Satellit” (2015-2017), “Qanqan” (2017-2018) və “Koyah” (2018-2019) klublarında çıxış edib. 

Qvineyanın U-17 və U-20 milli komandasının formasını geyinmiş Silla hazırda U-23-ün üzvüdür. Klubun məşqçilər korpusu bu gün məşqlərə qoşulan Nabi Silla haqqında müsbət qərar verərsə, onunla müqavilə bağlanacaq.

Qeyd edək ki, digər qvineyalı futbolçu – 19 yaşlı hücumameylli yarımmüdafiəçi Yamussa Kamara da hazırda baxışdadır.