Tezliklə İtaliyada görüşərik - İbrahimoviç

"Los-Anceles Qalaksi"nin hücumçusu Zlatan İbrahimoviç karyerasını harda davam etdirəcəyini açıqlayıb.

Corner.az-ın xarici mətbuata istinadən məlumatına görə, 38 yaşlı hücumçu yanvarda İtaliyaya qayıdacağını bildirib.

İsveçli futbolçu yeni komandasının "Milan" olacağına işarə vurub: "Yenidən qalib gəlməli, tarixini yeniləməli və problemi həll etməli olan komandaya qoşulacam. Yalnız bu yolla sizi yenidən təəccübləndirmək üçün lazımi motivasiyanı tapa bilərəm.Tezliklə İtaliyada görüşərik".

Qeyd edək ki, Zlatan İbrahimoviç 2010-2012-ci illərdə "Milan"da çıxış edib.