"Fənərbaxça” klubunun müdafiəçisi Sadık Çiftpınar əməliyyat olunub.
Corner.az xəbər verir ki, bu barədə klubun rəsmi saytı məlumat yayıb.
Məlumatda, Türkiyə Super Liqasının 15-ci turunun “Sivasspor”la görüşdə (1:3) zədələnən 26 yaşlı futbolçunun dizindəki əməliyyatın uğurlu keçdiyi bildirilib.
Türkiyə mətbuatının məlumatına görə, Çiftpınar mövsümün geridə qalan hissəsində komandasına kömək edə bilməyəcək. Onun yay təlim-məşq toplanışına qədər sıraya dönməsi gözlənilir.
