"Trabzonspor” klubu baş məşqçisi Ünal Karamanı istefaya göndərib.
Corner.az xəbər verir ki, bu barədə “NTV Spor” məlumat yayıb.
Məlumatda bildirilir ki, klub prezidenti Ahmet Ağaoğlu ilə Ünal Karaman arasında baş tutan görüşdən sonra tərəflər ayrılmağa qərar veriblər.
Ünal Karaman mövsümün əvvəlindən Trabzon təmsilçisini çalışdırırdı. Sözügedən komanda onun rəhbərliyi altında 71 oyuna çıxıb, 36 qələbə qazanıb, 18 heç-heçə və 17 məğlubiyyət əldə edib.
“Trabzonspor” hazırda Super Liqada 32 xalla turnir cədvəlində 3-cü pillədə qərarlaşır və lider “Sivasspor”dan 5 xal geri qalır.
