“Fənərbaxça” klubu ciddi itki ilə üzləşib.
Corner.az xəbər verir ki, İstanbul təmsilçisinin yarımmüdafiəçisi Qarri Rodriqes sıradan çıxıb.
29 yaşlı futbolçu komandanın son məşqində zədələnib. Müayinə nəticəsində təcrübəli futbolçunun sol bud əzələsində ikinci dərəcəli yırtıq aşkarlanıb. Klubdan verilən məlumata görə, Rodriqes azı 2-3 həftə yaşıl meydanlardan uzaq qalacaq. Onun fevralın 23-də keçiriləcək “Qalatasaray”la derbini də buraxması ehtimal olunur.
Bu mövsüm “Fənərbaxça”da 20 oyuna çıxan Rodriqes, 3 qola imza atıb, 6 məhsuldar ötürmə ilə yadda qalıb.
