“Rizəspor”un baş məşqçisi İsmail Kartal istefa verib.
Corner.az xəbər verir ki, bu barədə klubun prezidenti Hasan Kartal məlumat verib.
“Rizəspor” Super Liqanın 24-cü turu çərçivəsində keçirilən “Trabzonspor”la səfər oyununda 2:5 hesabıyla uduzub. Bu səbəbdən də İsmail Kartal oyundan sonra klub rəhbərliyinə istefa ərizəsini təqdim edib. Klub prezidenti onun istefasını qəbul etdiklərini bildirib və baş məşqçiyə gələcək karyerasında uğurlar arzulayıb.
Qeyd edək ki, “Rizəspor” bu mövsüm İsmail Kartalın rəhbərliyi atlında 7 qələbə və 3 heç-heçə sayəsində 24 xal toplayıb, 13 məğlubiyyət alıb. Rizə təmsilçisi 24 turdan sonra 14-cü pillədə qərarlaşıb.
