Qalatasaray və Kamerun millisinin sabiq futbolçusu Riqobert Sonq karantinə alınıb.
Corner.az-ın məlumatına görə, 43 yaşlı keçmiş müdafiəçi martın 30-da Fransadan qayıtdıqdan sonra Yaundedəki otellərdən birində təcrid olunub. Sonqun COVID-19 viruslu şəxslərlə təmasda olması şübhəsi ilə belə bir addım atılıb. 14 günlük karantin müddətində koronavirus testi müsbət çıxmasa, o, gələn həftə ailəsinə qovuşacaq.
Qeyd edək ki, Sonq "Qalatasaray" və "Trabzonspor" klublarında çıxış edib. Sonq ən son Kamerunun əsas və U-23 yığmalarında baş məşqçi kimi işləyib.
