“Beşiktaş” klubu qapıçısı Loris Karius ilə yollarını ayırıb.
Matc.az xəbər verir ki, 26 yaşlı qapıçı İstanbul təmsilçisi ilə müqaviləsinə xitam verib.
Buna səbəb klubun ona olan borcunu ödəməməsi göstərilib. “Beşiktaş” bu borcu mərhələli şəkildə ödəmək üçün almaniyalı qolkiperə təklif göndərsə də, o, bununla razılaşmayıb. Türkiyə mətbuatının məlumatına görə, Karius 1.6 milyon avroluq alacağı ilə bağlı FİFA-ya da şikayət etmişdi.
Qeyd edək ki, 2018-ci ildə 2.5 milyon avroya 2 illik icarəyə götürülən Karius, İstanbul klubunda ilinə 1,5 milyon avro qazanırdı.
