"Fənərbaxça" futbolçusu Alper Potukla bağlı qərarını dəyişib.
Corner.az xəbər verir ki, İstanbul təmsilçisi 29 yaşlı yarımmüdafiəçini yenidən heyətə cəlb etmək qərarına gəlib.
Maaşı 40 faiz endirildikdən sonra əvəzedici heyətə göndərilən Alper Potuk bu gün klubun bazasına çağırılıb. Rəhbərlik tərəfindən bağışlanılan təcrübəli futbolçu maaşının bir qədər də azaldılmasına razı olub. Türkiyə millisinin sabiq üzvünün "Fənərbaxça" ilə müqavilə müddəti 2022-ci ilin yayına qədərdir.
Qeyd edək ki, "Qarabağ" Alperi bu ilin yanvarında icarəyə götürmək istəsə də futbolçu Azərbaycan klubuna keçməkdən imtina edib.
