- Türkiyə S.L.
- 23:36 23.11.2024
11 nəfərin koronavirus yoluxduğu Türkiyənin “Erzurumspor” klubunun qalan bütün heyəti karantinə alınıb.
Corner.az xəbər verir ki, bu barədə klubun prezidenti Hüseyn Üneş məlumat verib. Onun sözlərinə görə, həmin 11 nəfərdən əlavə, daha 72 şəxs karantinə alınıb. Buraya həm futbolçular, həm məşqçilər, həm də klubda müxtəlif vəzifələrdə çalışanlar daxildir.
Qeyd edək ki, “Erzurumspor” ötən gün klubda hər kəsin koronavirus testindən keçdiyini, 11 nəticənin müsbət çıxdığını açıqlamışdı. Onlardan 4-ü futbolçu, qalanları isə məşqçi və klub işçiləridir.
