Qalatasaray'da növbəti yoluxma

“Qalatasaray”da növbəti dəfə koronavirusa yoluxma aşkarlanıb.

Corner.az xəbər verir ki, bu barədə klubun rəsmi saytı məlumat yayıb. Bütün heyət üzvlərindən və işçilərdən götürülən testlər nəticəsində klubun bir əməkdaşında koronavirus aşkarlanıb.

Koronavirus testi müsbət çıxan şəxsin adı açıqlanmayıb və karantinə alınıb. Komandanın məşqləri isə 6 günlük dayandırılıb.

Qeyd edək ki, “Qalatasaray”da daha əvvəl baş məşqçi Fatih Terim, klubun vitse-prezidenti Abdurrahim Albayrak və klub prezidentinin köməkçisi Yusuf Günay  koronavirusa yoluxmuş, daha sonra hər üçü sağalmışdılar.