Qol sevincində qucaqlaşmamaq üçün səbəb varmı?

"Qalatasaray”ın futbolçusu Radamel Falkao koronavirus səbəbindən futbolda qoyulan bəzi məhdudiyyətləri tənqid edib.

Corner.az xəbər verir ki, kolumbiyalı hücumçu şəxsi Tvitter səhifəsində yazıb ki, oyunçuların qol sevinci zamanı qucaqlaşmasına icazə verilməməsini anlamır:

“Futbolun geri dönüşünü görüb, soruşuram: Qol sevincində qucaqlaşmağa icazə verməmək  üçün səbəb varmı? Bütün oyun boyu daima təmasdayıq. Künc zərbələri zamanı müdafiəçilər üzərimizə çıxırlar. Canlı sədd zamanı hər kəs yan-yanadır”.

Xatırladaq ki, çempionatların bərpa olunduğu ölkələrdə federasiyalar UEFA-nın göstərişi ilə klublara futbolçularının oyun zamanı sosial məsafə qaydalarını pozmamağı tövsiyyə edib.(qol)