Türkiyə Super Liqasında 2020/21 mövsümündə mübarizə aparacaq daha bir komanda müəyyənləşib.
Corner.az xəbər verir ki, TFF 1-ci liqada çempion olan “Hatayspor”un ardından ikinci pilləni təmin edən “Erzurumspor” da elitaya vəsiqə qazanıb.
Bu, 34-cü turda “Ümraniyəspor” üzərindəki 4:1 hesablı qələbədən sonra rəsmiləşib. Lider “Hatayspor” mövsümü 66 xalla zirvədə bitiribsə, “Erzurumspor” 62 xalla ikinci olub.
Sonrakı pillələrdə qərarlaşan “Adana Dəmirspor” (61), “Akhisarspor” (57), “Karagümrük” (56) və “Bursaspor” (56) isə elitaya sonuncu vəsiqə uğrunda pley-off qarşılaşmaları keçirəcək.
Yarımfinal cütləri belədi:
22 iyul
Bursaspor - Adana Dəmirspor
Karagümrük - Akhisarspor
26 iyul
Adana Dəmirspor – Bursaspor
Akhisarspor – Karagümrük
Xatırladaq ki, “Erzurumspor” cəmi bir il aradan sonra yenidən Super Liqaya qayıdıb.
