“Beşiktaş” klubunun futbolçusu Kevin-Prins Boatenq komandadan ayrılıb.
Corner.az xəbər verir ki, bu barədə klubun mətbuat xidməti məlumat yayıb.
Bu gün “qara qartallar”ın düşərgəsində son məşqə çıxan 33 yaşlı futbolçu baş məşqçi Sərgən Yalçın və komanda yoldaşları ilə vidalaşıb.
Qeyd edək ki, “Beşiktaş” qanalı futbolçu “Fiorentina” klubundan 6 aylıq icarəyə götürmüşdü. Boatenq İstanbul təmsilçisində meydana çıxdığı 11 oyunda 3 qola imza atıb.
