Emre Belözoğlu karyerasını başa vurdu

Fənərbaxça'nın futbolçu Emre Belözoğlu karyerasını başa vurub. 

Corner.az-ın məlumatına görə, 40 yaşlı yarımmüdafiəçi üçün son oyun Superliqanın 34-cü turunda "Rizespor"a qarşı olub. Meydana start heyətdə daxil olan kapitan 39-cu dəqiqədə penaltini dəqiq yerinə yetirib. Emre 63-cü dəqiqədə əvəzlənərkən, alqışlarla yola salınıb. Kapitanlıq sarğısını isə o, gənc oyunçu Ömər Faruk Beyazın qoluna taxıb.

Qeyd edək ki, Emre Belözoğlu 1996-cı ildə Zeytinburnuspor"un uşaq komandasından "Qalatasaray"a transfer olub.  Emre İtaliyanın "İnter", İngiltərənin "Nyukasl", İspaniyanın "Atletiko", Türkiyədə "Başakşehir"də və müxtəlif vaxtlarda "Fənərbaxça"da çıxış edib.