“Boluspor” klubunun yeni baş məşqçisi bəlli olub.
Corner.az xəbər verir ki, millimizin yarımmüdafiəçisi Araz Abdullayevin çıxış etdiyi komandanı bundan sonra Reha Kemal Erginer çalışdıracaq.
Bu barədə klubun mətbuat xidməti məlumat yayıb. Mövsümə uğursuz start verdiyi üçün bir neçə gün əvvəl Ahmet Taşyüreki istefaya göndərən klub rəhbərliyi onu Erginer ilə əvəz etməyə qərar verib. Lakin tərəflər arasındakı müqavilənin müddəti və digər detalları açıqlanmayıb.
Qeyd edək ki, Araz Abdullayev “Boluspor”a bu yay transfer olunub və TFF 1-ci liqa təmsilçisində cəmi bir oyuna çıxıb.
