“Kayserispor” klubu baş məşqçisi Bayram Bektaşla yollarını ayırıb.
Corner.az xəbər verir ki, Kayseri təmsilçisi bu barədə rəsmi saytı vasitəsilə məlumat yayıb.
Məlumatda Super Liqanın 7-ci turu çərçivəsində keçirilən “Rizəspor”la səfər matçından sonra Bayram Bektaş və onunla birgə çalışan digər məşqçilərlə yollarını ayırdığını bildirib. Tərəflər qarşılıqlı razılıq əsasında vidalaşıblar. Klub baş məşqçiyə və onun köməkçilərinə xidmətlərinə görə təşəkkür edib, onlara gələcək karyeralarında uğurlar arzulayıb.
Super Liqa təmsilçisi 6 oyunda cəmi 6 xal toplaya bilib və 17-ci pillədə qərarlaşıb.
Qeyd edək ki, Bayram Bektaş “Kayserispor”a bu ilin avqustunda baş məşqçi təyin olunmuşdu.
