Türkiyə yığmasının sabiq hücumçusu Semih Şentürk yetirməsi olduğu “Fənərbaxça”ya qayıdıb.
Corner.az xəbər verir ki, bu barədə klubun mətbuat xidməti məlumat yayıb.
Məlumatda 37 yaşlı keçmiş futbolçunun bundan sonra bu İstanbul təmsilçisinin futbol akademiyasında məşqçi kimi fəaliyyət göstərəcəyi bildirilib.
Qeyd edək ki, Semih Şentürk 2001-2013-cü illər aralığında “Fənərbaxça”nın formasını geyinib, 277 oyunda 89 qola imza atıb. O, bu komanda ilə 5 dəfə Türkiyə çempionu olub.
