Türkiyə Futbol Federasiyası “Qalatasaray”ın baş məşqçisi Fatih Terimi cəzalandırıb.
Corner.az xəbər verir ki, “sarı-qırmızılar”ın çalışdırıcısına 5 oyunluq cəza verilib
Buna səbəb onun “Fatih Karagümrük”lə oyundakı hərəkətləri olub. Matç zamanı hakimlərə sərt etiraz edən 67 yaşlı mütəxəssis qırmızı vərəqə almışdı. O, oyundan sonra da hakimlərə qarşı sərt etiraz nümayiş etdirib. Terim həm də 55 min 500 lirə məbləğində cərimə olunub.
Təcrübəli mütəxəssis “Trabzonspor” və “Konyaspor”la səfər, “Antalyaspor” və “Gənclərbirliyi” ilə ev oyunlarında texniki zonada yer ala bilməyəcək. O, dekabrın 22-də “Göztəpə”yə 3:1 hesabıyla qalib gəldikləri oyunda da komandasına rəhbərlik edə bilməyib.
