- Türkiyə S.L.
- 11:11 11.10.2024
"Qalatasaray"ın futbolçusu Mbaye Diaqne heyətdən kənarlaşdırılıb.
Corner.az klubun rəsmi saytına istinadən xəbər verir ki, buna səbəb seneqallı hücumçunun ailə üzvlərindən birində koronavirus testinin müsbət çıxmasıdır. Ehtiyat tədbiri kimi 29 yaşlı futbolçu Superliqanın 15-ci turunda "Trabzonspor"la səfər matçına aparılamayacaq.
Əvəzində, uzun müddətdir zədə səbəbindən meydana çıxmayan kolumbiyalı hücumçu Radamel Falkao heyətdə yer alıb.
Qeyd edək ki, "Trabzonspor"la dekabrın 26-da keçiriləcək qarşılaşma Bakı vaxtı ilə saat 20:00-da başlayacaq.