Arda ilə bağlı şikayət rədd edildi

Türkiyə Futbol Federasiyasının İntizam Komitəsi "Qalatasaray"ın futbolçusu Arda Turanın cəzası ilə bağlı apellyasiya şikayətinə baxıb.

Corner.az qurumun saytına istinadən xəbər verir ki, türk yarımmüdafiəçinin 2 oyunluq cəzası və 13 min türk lirəsi cərimə ilə bağlı qərarlar qüvvədə qalıb.

Qeyd edək ki, 34 yaşlı oyunçu Türkiyə Superliqasında "Fənərbaxça" ilə matçdan (1:0) sonra paltardəyişmə otağında təhqir tipli hərəkətlər etdiyinə dair videogörüntülər yer alıb. Buna görə də Arda 2 oyunluq cəzalandırılıb, həmçinin 13 min türk lirəsi məbləğində cərimələnib.