Özil forma satışında rekord qırdı

"Fənərbaxça"nın yeni transferi Məsut Özil klubuna maddi gəlir gətirib.

Corner.az "NtvSpor"a istinadən xəbər verir ki, 32 yaşlı yarımmüdafiəçinin təqdimat mərasimində imzaladığı 3 forma ümumilikdə 36 min 50 avroya satılıb.

Özilin "Matchwornshirt" saytında satışa çıxardığı zolaqlı forma 26 min avroya, qızılı forma 4 min 800 avroya, lacivərt forma isə 5 min 250 avroya satılıb. Toplam məbləğ isə indiyədək olan forma satışları arasında rekord hesab edilir. İndiyədək ən yüksək göstərici PSJ-nin hücumçusu Neymarda idi. O, satışdan 13 min avro əldə etmişdi.

Qeyd edək ki, Almaniya millisinin sabiq üzvü ötən ay "Arsenal"dan ayrılaraq "Fənərbaxça"ya keçib.