Türkiyənin “Trabzonspor” klubunda koronavirusa yeni yoluxma halları aşkarlanıb.
Corner.az xəbər verir ki, son testlərin ardından daha iki futbolçunun analiz nəticəsi müsbət çıxıb.
Bu barədə klubun mətbuat xidməti məlumat yayıb. Bununla da komandada koronavirusa yoluxmuş oyunçuların sayı 6-ya çatıb. Futbolçularla yanaşı, klubun 1 əməkdaşının da infeksiyaya yoluxduğu açıqlanıb.
Qeyd edək ki, “Trabzonspor” fevralın 19-da Super Liqanın 26-cı turu çərçivəsində səfərdə “Başakşəhər”in qonağı olacaq.
