“Trabzonspor”un qapıçısı Kağan Moradaoğlu Türkiyə Super Liqasının tarixinə düşüb.
Corner.az xəbər verir ki, 18 yaşlı qolkiper Super Liqanın 26-cı turu çərçivəsində “Başakşəhər”lə matçda meydana çıxmaqla buna nail olub.
Belə ki, “Trabzonspor” matçdan öncə əsas qapıçılarının hər üçünü - Uğurcan Çakır, Erce Kardeşler və Arda Akbulutu itirib.
Belə olan halda məşqçilər korpusu qapını gənc qapıçı Kağan Moradaoğluna tapşırmaq məcburiyyətində qalıb. Bununla da o, Super Liqada meydana çıxan ən gənc (18 yaş 40 gün) qapıçıya çevrilib. Kağan həm də “Trabzonspor”da bu mövsüm meydana çıxan ən gənc futbolçu olub.
