"Fənərbaxça”nın yarımmüdafiəçisi Mesut Özil sıradan çıxıb.
Corner.az xəbər verir ki, 32 yaşlı futbolçu Super Liqanın 28-ci turu çərçivəsində “Antalyaspor”la ev oyununda zədələnib.
Qarşılaşmanın ikinci hissəsində xəsarət alan və 66-cı dəqiqədə meydanı İrfan Can Kavheciyə vermək məcburiyyətində qalan Özilin ayağında yırtıq aşkarlanıb. Onun ən azı iki həftə yaşıl meydanlardan kənarda qalacağı vurğulanıb.
Qeyd edək ki, “Fənərbaxça” - “Antalyaspor” matçında qalib müəyyənləşməyib – 1:1.
