“Fənərbaxça”nın yarımmüdafiəçisi Mesut Özilin sıradan çıxdığını xəbər vermişdik.
Corner.az xəbər verir ki, “Antalyaspor”la oyunda (1:1) zədələnən futbolçunun vəziyyətinə aydınlıq gəlib.
Ətraflı müayinədən keçirilən 32 yaşlı futbolçunun azı bir ay yaşıl meydanlardan uzaq qalacağı müəyyənləşib.
Mesut Özilin zədə səbəbindən “Fənərbaxça”nın qarşıdakı beş oyununda forma geyinməyəcəyi dəqiqləşib. Təcrübəli oyunçu “Konyaspor”, “Beşiktaş” və “Malatyaspor”la səfər, “Gənclərbirliyi” və “Dənizlispor”la ev oyunlarını buraxacaq.
Qeyd edək ki, bu qış London “Arsenal”ından “Fənərbaxça”ya gələn Mesut, İstanbul klubunda indiyə qədər 6 matça çıxıb.
