Türkiyə 1-ci liqasında 25-ci turun oyunları keçirilib.
Corner.az xəbər verir ki, Azərbaycan yığmasının yarımmüdafiəçisi Araz Abdullayevin formasını geyindiyi “Boluspor” da növbəti matçına çıxıb.
Sözügedən kollektiv doğma meydanda “Bursaspor”u qəbul edib. Futbolçumuzun komandası bu oyundan inamlı qələbə qazanıb – 2:1.
Abdullayev də bu görüşün iştirakçısı olub. O, matçın 37-ci dəqiqəsində meydana buraxılıb. Komandasının 50 və 87-ci dəqiqələrdə vurduğu hər iki qolun məhsuldar ötürməsini də məhz Araz verib.
24 oyundan sonra hesabında 29 xalı olan “Boluspor” 18 kollektiv arasında 12-ci pillədə qərarlaşıb.
