“Qalatasaray”ın hücumçusu Mustafa Məhəmmədin pul qabı və pasportunun da içində olduğu çantası oğurlanıb.
Corner.az xəbər verir ki, bu barədə Türkiyə mətbuatı məlumat yayıb.
Hadisə ötən həftə misirli futbolçu İstanduldakı alış-veriş mərkəzlərindən birində olarkən baş verib. 23 yaşlı futbolçu, dərhal polisə məlumat verib. Oğurluq hadisəsi alış-veriş mərkəzindəki təhlükəsizlik kameralarına da düşüb. Lakin hələlik nə oğrunu, nə də çantanı tapmaq mümkün olub. Araşdırmalar davam edir.
Türkiyəli mətbuatının yazdığına görə, Mustafa Məhəmməd pasportunu itirməsi səbəbindən Misir yığmasının qarşıdakı toplanışı üçün ölkəsinə də getməyə bilər.
