- Türkiyə S.L.
- 11:11 11.10.2024
"Qalatasaray"ın baş məşqçisi Fatih Terim klubdakı gələcəyi ilə bağlı qərarını verib.
Corner.az-ın "Sabah" nəşrinə istinadən məlumatına görə, mövsümün sonunda müqaviləsi başa çatacaq 67 yaşlı mütəxəssis komandada qalmaq istəyir.
Lakin təcrübəli mütəxəssis klubdakı prezident seçkilərini gözləyəcək və yeni rəhbərliyə uyğun qərar verəcək. O, hazırkı rəsmilərlə yox, başqa funksionerlərlə işləməyə müsbət yanaşır.
Digər tərəfdən, Terim vəzifəsində qalacağı təqdirdə, məşqçilər heyətində də dəyişiklik etməyi planlaşdırır.
Qeyd edək ki, daha əvvəl Fatih Terimin prezident seçkilərində namizəd olacağı iddia olunurdu. Klubun onunla müqaviləni daha 3 il artıracağı gözlənilir.
