Türkiyənin “Adana Dəmirspor” klubu baş məşqçisi Samet Aybaba ilə yeni müqavilə bağlayıb.
Corner.az xəbər verir ki, bu barədə sözügedən klubun mətbuat xidməti məlumat yayıb.
66 yaşlı mütəxəssislə 2 illik yeni müqavilə imzalanıb. Əvvəlki anlaşmanın müddəti bu mövsümün sonunda yekunlaşırdı.
Qeyd edək ki, Samet Aybaba bu ilin fevralından “Adana Dəmirspor”u çalışdırır. Aybaba “Adana Dəmirspor”a 26 illik fasilədən sonra Super Liqaya yüksəldib. O, 1996/97 mövsümündə “Kayserispor”u, 2016/17 mövsümündə isə “Sivasspor”u da Super Liqaya çıxarmışdı.
