Türkiyə kubokunda 2020/21 mövsümünün qalibi müəyyənləşib.
Corner.az xəbər verir ki, İzmirdə baş tutan həlledici oyunda bir neçə gün öncə Super Liqanın qalibi olmuş “Beşiktaş” “Antalyaspor”la üz-üzə gəlib.
Görüşdə rəqibinə 2:0 hesabıyla qalib gələn “Beşiktaş” həm Türkiyə kubokunu qazanıb, həm də mövsümü “qızıl dubl”la başa vurub.
Qeyd edək ki, “Beşiktaş” Türkiyə kubokunda 16-cı dəfə oynadığı final matçından 10-cu dəfə qalib ayrıldı. Bununla da sözügedən komanda ən çox kubok qazanmış “Qalatasaray”ın (18 dəfə) əsas izləyicisinə çevrilib. Üçüncü yerdə 9 dəfə qalib olmuş “Trabzonspor” qərarlaşıb. “Fənərbaxça”nın isə Türkiyə kubokunda 6 belə uğuru var.
Türkiyə kuboku
Final
18 may
Antalyaspor – Beşiktaş 0:2
Qol: Jozef, 3. Rosier, 30.