Super Liqa klubunda iki yeni müqavilə

 “Başakşəhər” klubu iki futbolçusu ilə yeni müqavilə bağlayıb.

Corner.az xəbər verir ki, İstanbul təmsilçisi qapıçısı Volkan Babacan və sağ cinah müdafiəçisi Uğur Uçarla müqavilənin müddətini uzadıb.

Bu barədə klubun rəsmi saytı məlumat yayıb. MəlumatdaUğurla 1, Volkanla 3 illik yeni müqavilə imzalandığı vurğulanıb.

Qeyd edək ki, 34 yaşlı Uğur Uçar “Başakşəhər”in yarandığı ilk ildən (2014-dən) bu komandanın uğurları üçün çalışır. Volkan da 2014-cü ildən “Başakşəhər”də çıxış edir.

Qeyd edək ki, 2019/20 mövsümündə Super Liqanın qalibi olmuş “Başakşəhər”, geridə qalan mövsümü 12-ci pillədə başa vurub.