'Fənərbaxça”nın qapıçısı Harun Tekin komandadan ayrılıb.
Corner.az xəbər verir ki, 32 yaşlı qolkiper bundan sonra “Kasımpaşa”nın uğurları üçün çalışacaq.
Bu barədə Super Liqa təmsilçisi məlumat yayıb. Təcrübəli qolkiperlə 2 illik müqavilə imzalanıb. “Fənərbaxça” ilə müqaviləsinin müddəti bu yay bitən qolkiper “Kasımpaşa”ya azad agent statusunda keçib.
Qeyd edək ki, Harun Tekin 2018/19 mövsümündə “Bursaspor”dan 3 milyon avro qarşılığında “Fənərbaxça”ya keçmişdi. O, İstanbul təmsilçisinin heyətində cəmi 47 matça çıxıb.
