Namik Ələskərov üçün yeni baş məşqçi

Türkiyənin “Bursaspor” klubunda baş məşqçi təyinatı gerçəkləşib.

Corner.az xəbər verir ki, 1-ci liqa təmsilçisinin “sükan”ı Fatih Təkkəyə həvalə olunub. Bu barədə klubun mətbuat xidməti məlumat yayıb. 43 yaşlı mütəxəssis ilə 1+1 illik razılıq əldə olunub.

Azərbaycanlı futbolçu  Namik Ələskərov  “Bursaspor”da  çıxış edir.

Fatih Təkkə “Trabzonspor” klubunun əfsanəvi futbolçularından olub. O, bu komanda ilə 230 oyunda 99 qol vurub. Rusiyada “Zenit”, “Rubin” kimi klublarda da çıxış edən keçmiş hücumçu Türkiyə yığmasında da 25 oyuna çıxıb və 9 qol vurmağı bacarıb.