Türkiyə 1-ci liqasında 5-ci turun oyunları keçirilir. Corner.az xəbər verir ki, azərbaycanlı futbolçu Namik Ələskərovun komandası “Bursaspor” da növbəti matçına çıxıb.
Sözügedən kollektiv doğma meydanda “Samsunspor”u qəbul edib. Futbolçumuzun komandası bu görüşdən əzmkar qələbə ilə ayrılıb – 4:1.
Namik də bu görüşün iştirakçısı olub. O, 61-ci dəqiqədə meydana buraxılıb. Millimizin üzvü komandasının 84 və 90+6-cı dəqiqələrdə vurduğu qollarda məhsuldar ötürmə edərək diqqət mərkəzinə düşüb.
“Bursaspor” 5 turdan sonra 4 xalla 19 kollektiv arasında 12-ci pillədə qərarlaşıb.
