Ələskərov'un komandası yenə baş məşqçisiz qaldı

Türkiyənin “Bursaspor” klubu baş məşqçisi Fatih Təkkə ilə yollarını ayırıb.

Corner.az xəbər verir ki, bu barədə 1-ci liqa klubunun rəsmi saytı məlumat yayıb.

Azərbaycan millisinin futbolçusu Namik Ələskərovun da şərəfini qoruduğu bu komanda bu gün səfərdə “Tuzlaspor”un qonağı olub və meydandan 1 xalla ayrılıb – 0:0. Bu matçdan sonra 44 yaşlı mütəxəssislə müqaviləyə qarşılıqlı razılıq əsasında xitam verildiyi açıqlanıb.

Bursa təmsilçisi Təkkənin başçılığı altında meydana çıxdığı 4 oyunda cəmi 4 xal toplaya bilib. O, avqustun 24-də bu komandaya baş məşqçi təyin olunmuşdu. Bu, “Bursaspor”da cari mövsümdəki ikinci baş məşqçi istefasıdır.