- Türkiyə S.L.
- 11:11 11.10.2024
Türkiyənin “Kasımpaşa” klubu baş məşqçisi Cihat Arslanı istefaya göndərib.
Corner.az xəbər verir ki, bu barədə klubun rəsmi saytı məlumat yayıb.
İstefaya komandanın cari mövsümdəki uğursuz çıxışı səbəb olub. Bu mövsüm keçirdiyi 10 oyunda cəmi 6 xal toplamış komanda, son üç oyunundan məğlubiyyətlə ayrılıb. Bu üzdən də klub rəhbərliyi cari mövsümdə ikinci dəfə baş məşqçi istefasına əl atıb.
“Kasımpaşa” bu mövsüm Super Liqada baş məşqçisini istefaya göndərən ilk klub idi. Bu komanda hələ ilk turdan sonra Şenol Can ilə yollarını ayırmış, onun əvəzində bu posta Cihat Arslanı gətirmişdi. Komanda bu mütəxəssisin rəhbərliyi altında 9 oyuna çıxıb, 1 qələbə qazanıb, 2 heç-heçə edib, 6 məğlubiyyətlə üzləşib.